چاغداش ادبی درنگی نین وئبلاقی
درین ان درین دنیزدین
گوزله رین
له په له نیره م ساحیلینده
کیپریک چالیرسان جومارام بوتونلوک له
سئوگی اداسی بیته ر جومدوغوم یئرده
کئنیش ان کئنیش اوچورومدی
اوره ین
گومور کئنیش لیینده منی
گوزل دویغولار لا اوزومو اورت
کیمسه یه گوسترمه ساکین
قورخورام
اوفکه له ره جوم ماقدان
قورخورام
ساعات لار زامانا سا لدیران چاغی
هئچ اونودمامنی
اولدوزرسوز، یاغمور سوز ،شاختالی گئجه ده
دوش له ریمه قوناق گل
سایقلادیغیم شعری ئشید
چیلپیاقلیغیلیا سئویش
یاشام یارادان شعرینی یاز
هردم شعرینه قا ت منی
عصیان دنیزی یم
ایچ داملا
داملا
ایچینه چه ک
قوی شعرله ریمیز اوزگورلوک ماهنی سی اولسون گئجه نین سون قارانلیقیندا
قوی شاختادان اوشوین گونش شعر لیمیزین قوجاغیندا سیجاق لان سین
قوی انودولموش گوکلگه لر
گونشین سیجاقلیغینا ساریل سین
آدسیز
منه چاتاندا تبریز قورتولاجاق
نه بیلیر سن آیفونو چالاندا کیم دئیه جک : بویور
بیر چکيم نفس ده
بلکه ده گولله لرین اؤنونده گولن شهیدده
تاپاجاقسان منی
و سینه سینه باش قویوب آغلایاندا
بیر قادینین
گؤزلرینین پرده سینی آچیب
منه باخاجاقسان
آیدین یارین
یوخ جانیم بو یوخو دئییل کی
یوخ جانیم
بو گؤز قاپانماسی دئییل کی
درین قاتلاردا اؤلومه بنزه ییر 
آرا بنزه ییر
قارا بیر ائوه
داغیلمیش باساماقلارا
پارچالانمیش بیر چاتییا
سن هیجان دولو،
گئجه یوکلو قارانلیقدان سوز آچیرسان.
سن هئی هارای
سن بیر گئجه سحرسیزلیگ دونیاسیندان.
سویوقدور سوس.
سوکوتونا اولدوزلار قوناق گله جک.
بیر توزلو دفتر الینده سحردک سوز دئیه جک.
بیری منی چاغیریر
بیری منی چاغیریر. گوزله ریمی آچیرام. کیم حوضورومو ﭘوزدو؟ کیمسه یوخدو. یالنیز قولاقلاریم سس له نیر. هاردایدم هاردا؟ یادما گلمیر. بینیم سانکی بوش و قارانلیق اودادیر.
دوشون نه اولور! هاردایدیم هاردا؟ یادیما گلمیرجهننمه گورا. گوزله ریمی یومورام
دوشونوره هه یادیما دوشدویالنیزنئچه ان بیرنئچه گولکه باشیما توربا سالیر من کیمه م
نه ده ن باشیما توربا توربا سالیرلار هیچ یادیما گلمیر-آخ!اوزوم یانیر بورنومون اوستوده
آخ!آخ!دوداقلاریم ﭘارچالانیر آخ!آخ!قاریشیق سسلر گلیر سانکی قودوز کوبکی داشلاییرلار- داشی ائله ویرین باشی باتلاسین بو----- چیغیریرام آخ آخ ! گوزوم پارتلادی سسله لرچوخالیر- ویرین دوز باشیندان ویرین . باشیم دونور دیسگینیره م.
بیری منی چاغیریر گوزله ریمی اچیرام کیم حوضورومو بوزدو کیمسه یوخدویالنیز قولاقلاریم سس له نیر هاردایدیم هاردا ؟یادیما گلمیردوشون یادینا سال بینیم سانکی گونشلی بیرگون یادینا سال نه اولور! هه آنامین قوجاغیندا اویموشام آنام آستا آستا کوریمه چالیر لالای بالام لالای لالای قیزل گولوم لالای نازلی قیزم لالای یوخو گوزومه دولور داشیر دونیانین بارداغیندان اشیر باخ! ائشیدیرسن می بیری منی چاغیریر؟ یوخ یالنیز قولاقلاریم سس له نیر
کیمسه یوخدو و هر یئر قارانلیق و سویوق.
