گؤیون یوللارینی تانیماییر او
گلسه ده بیلیره م یولو آزاجاق
او آزماسین دئیه بیر آخار اولدوز
ایشیقلی اوره یین گؤیه یازاجاق
آیدین یارین
آچدیم پنجره نی
شهر زینه ـ زینه اوتاغا آخدی
بوتون کپنک لر
ائویمه ساری اوچدولار
بیچدی آیاقلاریمی بیچینجی مله یین قانلی اوراغی
فرشین گوللرینه
قان داملالاری شئح دوزدولر.
قویون تاخچایا بونو...
باغلایین گونشی بوینوما
یول وئرین اؤلوم....
آیدین یارین
بویون قیشدی
بویون دوننه گؤره
یئنی لشمه دی
بویون آتامی قویلاماغا
حاققیم یوخدو
آنامی دا باغریما باسماغا
قولوم.
بویون بیر داها
سئویره م دئمه یه
دوداقلاریمی اکیزلریمدن سیله جکلر
بویون سؤزلریمی
سویا چکه جکلر
آیدین یارین
۲۰۰۸ ادبیات نوبلی
آیدین یارین
ژان ماري گوستاو لوکلزيو، فرانسالي يازيچي، نوبلين ادبيات اؤدولونو قازاندي.
بو 68 ياشلي يازيچي بير ميليونلوق اؤدولو فرانسايا آپاردي.
نوبل آکادميسي اونو « يئني ليکلر ، شاعرانه چيليکلر و جسمي هيجانلار يازيچيسي» آدلانديردي.
بو آکادمي بيرده اونو « اينسانيت دن يوخاري و آشاغي سينيرلارين آراشديريجيسي» تانيدي.
لوکلزيونون اثرلريندن اولان « بالاسينئر» (2007) نوبل طرفيندن، سينما هنرينه گؤره بير شخصي مقاله تانيندي.
اونون اوشاقلار اوچون ده اثرلري نشر اولونوبدور. «لاي ـ لاي»(1980) ، «بلابيلو» (1985) نو آد آپارماق اولار.
بو يازيچي فرانسادا «لاربو» اؤدولونو، 1972 ـ نجي ايلده و « بؤيوک ژان ژيونو» اؤدولونو 1997 ـ نجي ايلده قازانميشدي.
لوکلزيو، 1940 ـ نجي ايلده فرانسانين، نيس شهرينده دوغولوب، اوشاقليقدا 2 ايل بويوندا نيجريه اؤلکه سينده ياشاميشدير.
او بانکوک، بوستون و مکزيکوسيتي بيلي يوردلاريندا اوستادليق ائتميشدير.
ژان، دونيانين نئچه اؤلکه سينه سفر ائديب و بو سفرلري اثرلرينده گتيريليبدير.
لوکلزيونون ايلک کيتابي « صورتجلسه» آديلا 1963 ـ نجو ايلده ايشيق اوزونو گؤروب و اونو دونيا شهرتينه چاتديران؛ «بيابان» آدلي اثري ايراندا فارس ديلينده نشر اولونوبدور.
اونون باشقا اثرلريندن « آفريقالي» و «موندو» رومانلاريني آد آپارماق اولار. بو اثرلر ايراندا فاري ديلينه چئوريليبديرلر.
او ايسه قاليمار کيتاب نشرياتيندا ژورناليست لرين بير ميليونلوق اؤدولونون خرجلمه يينين باره سينده کي سورولارينين جاوابيندا دئدي: «بورجوم چوخدور. اونلاري اؤده مه لييم.»
اوخوجولارا دئمه لييم، نوبل ادبيات اؤدولو اؤتن ايل اورهان پاموکا وئريلدي.
«ماريو بارگاس يوسا» و «پل آوستر» دونيانين ان بؤيوک يازيچيلاريندان، هله ده بو اؤدولو قازانا بيلمه ييبلر.
بو اؤدولون ان بؤيوک رولو دونيانين سياسي يازيچيلاريني تاپيب و سئوينديمک دير.
اورهان پاموک ارمني لرين قيرغينيني رسميته تانيماسايدي و ملتينه اوز دؤنده ر مه سيدي، بو اؤدولو قازانا بيلردي؟
زیتون یارپاقلاری
یازار: آیدین یارین
ماحمود درويش «زیتون یارپاقلاری » آدلی کیتابی ایله 1967 ـ نجی ایلده ادبیات دونیاسندا دوغولدو و ائله 67 یاشیندا بو دونیادان کؤچدو. نه بیلیم بلکه 67
آردي
آدسیز
منه چاتاندا تبریز قورتولاجاق
نه بیلیر سن آیفونو چالاندا کیم دئیه جک : بویور
بیر چکيم نفس ده
بلکه ده گولله لرین اؤنونده گولن شهیدده
تاپاجاقسان منی
و سینه سینه باش قویوب آغلایاندا
بیر قادینین
گؤزلرینین پرده سینی آچیب
منه باخاجاقسان
آیدین یارین