بو گونلر بیزی گوزله یین!!
درین درین دالیرام چوخ دایازدا سورما منی
سوروش صاباح شفقین هئی دونن ده یورما منی
باخیر گئجه اوزومه ، ال - آمان دویور قلبیم
درین لیگیمده بوغولسام آیازدا گورمه منی
* علی عباسی
آغیرلانیردی آیاقلاریم
تب بورویودو یو خولاریمی داملا- داملا
- تبریز ایتیردی آنیسیز گئجه نین اورمانیندا
- آجیشیردی گئدییین گولوم
***
تبریز یارالی باغیرساقلاریندا بیچیردی وارلیغیمین گوزگوسون
شیشیر گؤزلریمین سسی اؤرت پنجره نی اؤلوم یئل لری اسیر
ا. اسدی
....
يوخ بئله دئييل شاعيرليک
ياساق بیر دشونجه دير.
دئييلير سه ديوان توتولور
توتولور ديوان
يوخ بئله دئييل شاعيرليک
ياساق بیر دشونجه دير.
دئييلير سه ديوان توتولور
توتولور ديوان
و اوره ييميز
و بيز
سونرا هئچ بیریمیز
هئچ بیریمیز
و هئچ بیریمیز دوشونمور بيز لي بيزسيزي
يا دونيا ترسینه دولانسا چاشسام.
بئينيم دولودور بوشلاوقدان
بوشلوقدان دولودور بئنيم.
اولماز عشق و ايمکانسيز عشق آدلي بير شئي لر وار سانيرام
من هیجانيمي اوتانجيما قاتيرام
و اوره ييمي واراقلارا قويلاييرام
قورخومو ایسه دانيشا بيلمه ديييم گوزللره بخش ائديرم.
هه من بير دلي يم.
سن ده بيليرسن کی نه قدر آجيماسيز اولور بو بيلمه مک و آنديرا بيلمه مک عشقی
هئي
نه دن
گون بويو فيرلانير بئينيميده بو دوشونجه؟
خسته می یم؟
نه دن ساتیلیرق بيريسينين گوزلليينه
و ندن قاليريق بيريسينين تووندا سينيرسيز.
دوشون بونو بير آن
دوشون
بونو
ايسنان
اينسان اوغلو
کيمين داليسنجا
و هارايا گئديريک
هردن من دوشگون اولورام
بير گون اوتوبوس دا کی ایسنانلارا
گون چورگينه موحتاج اولان آلاقارقایا
بير گون يئددي ياشلي بیر قیز جیغازا
بير گون
بير گون
بیرگون
ايمکانی اولمایان شئی لره
وبير گون آللاها!
و سونرا يئنه ده من اولورام بوتون دونيالاردان قيراق.
و بوتون اينسانلاردان آلاهي
باشقا بيري اولورام و کيمين نه اولدوغونو بيلميرم.
بيئنيمده دولانير اوچاقلار اولاجاقلار
بئينمده دولانير بير قيزين دوداغيندا اوخونان ماهني.
بئنيمئده دولانير هرنه
هر نه
من بو دونيانين بوش بير يئرينده قارالميشام
بورادا
لعنته گلميش آذربايجاندا.
و طيليسيملنميش بو تورپاغدا
کيم بيلير
البته باشقادير ياشاماق.
باشقادير گونشين ايستيسيندن
بولودون سرينيندن دانيشماق
باشقادير آزادليق
و حيات
بيز حياتي ياشاماغا گلميشيک مي يوخسا
هئي اللرينزه و بئيينلرينيزه ساغلیق!
و بوتون وجودونوزو کيرلنديرمک ايسته ييرم سينير بوزان سينيرچي لر.
دیلنچی - من - قانلی چؤرک
* علی عباسی
نئجه سینی نه من بیلمیشدیم نه ده کوچه باشیندان هر گون ساعت یئددی ده کئچن کور دیلنچی میز.
سنین اللرینده کی او قانلی چورک لری هم من همده محله میزدن هر سحر وئرد اوخویوب کئچن دیلنچی گوروردو.
البته کی سنین الینده کی چوره یینین ندن قانلی اولدوغونو بیلمک ایسته ییردیم. آنجاق بللی دیر کی بو حئکایه نین سونونا قدر نه من و نه ده باشقا سی بونون ندنی نی بیلمه یه جک دیر.
سوز بوراسیندادیر کی سن وئردیین ایپ اوجولاردا منی بیر یئره یئتیره بیلمه جک دیر. آغالار "آدلارینا" قشو چکیردیلر و نوکر لر ده "آتلاری" اونلارین آدلارینا لایق اولاجاغی قدر تومارلییردیلار.
سنین اللرینده کی بو سحیرلی سببی نئجه آنلایاجاغیدیم.
بیر گون غفیلدن هئچ نه سنین، نه منیم و نه ده حئکایه نین باشلانیشیندا آدی چکیلن دیلنچی نین خبری اولمادان غفیلدن شهری دؤره له دیلر. سنین اللریندن چوره یینی، منیم گوزلریمدن سنین اللرینی و دیلنچی نین دوداغیندان وئردلرینی آلدیلار.
سون
باغ دا
باغ دا دوران قادین، کیشی نین اونا دوغرو گلمه سینی گؤردو.
«تینا... منیم گولوم! منیم یاشامیمین ان بؤیوک سئوداسی!» سونوندا کیشی بو سؤزلری آغزینا گتیرمیشدی.
«اوه. تام!»
«تینا...، منیم گولوم!»
«اوه، تام! من ده سنی سئویرم!»
تام- قادینین یانینا یئتیشیب سرعتله اونو قیراغا ایته له دی.
«منیم گولوم! سن منیم گؤزل قیزیل گولومون اوستونده دورموشدون!»
چئویرن علی عباسی
Flash flash Flash flash Flash flash
فلش فلش فلش فلش
یاخین گونلرده چاغداش ادبی درنگینین کیتابی یایینلاناجاق
Flash flash Flash flash Flash flash
Flash flash Flash flash
Flash flash Flash flash Flash flash
آی دولودور بوگئجه
دیرناقلاریمدان قافلانلاشمادایام
.
Ay doludur bu gecə
dırnaqlarımdan qaflanlşmadayam
آیدین آراز
1
Yağış ağacını
Şallaqladı ıldırım
Yarpaqları
Damla damla
Dagıldı.
2
Bağışladım qanlımı
Sonra onun yerinә dara çәkildim
Ölümü gözladiyim yolları
Satdılar.
Aydın yarın
Səni yağışa ağladım
Çüçələrə
bu şəhərə ağladım
Heç otanmadan keçidlərdə
Qara kəfənlilərə
Hər nəyə bələnmiş bu kültüeə
Adımlarıma tِkdüm
Güzlərimə
Modern sevdalar kimi bir gündə unudum
Gorxularımdan gorxularından onudum
Səni tefunuma ağladım
Yoladığın məsajlara
Tefun nömrənə
Verdıyın gələmə
Mənə bolutus elədiyin şəkillərə mahnılara
Tərbiyəsizo şaırın şerinə
Boş ver sevdasız bu dünya ِlsün
Bütün fəlsəfələr sönsün
Deprəm gəlsın
Yarım can olum
Şerlərimə hüküm kəsinlər
It sazına oynayım
Itlər mənə hürsün
Burax sevdasız bu şərəf sizin
آیناز
Flash flash Flash flash Flash flash
فلش فلش فلش فلش
یاخین گونلرده چاغداش ادبی درنگینین کیتابی یایینلاناجاق
Flash flash Flash flash Flash flash
Flash flash Flash flash
Flash flash Flash flash Flash flash
يارالي مَلك
قانلي ميسمار قاپي نين سينه سينده
تانري داملا- داملا يئره توكولموش قاني ايزله يير
سيزيلتي- يالواريش- يئنه تانريا ديله نير
قوللاري باغلي قافلان بير گوشه ده
يارالي حيات يولداشينا باخير
او، سجده يه دوشوب قالخميري
نئجه حيات يولداشي سون سجده سيندن قالخمادي
ايتگين بير قبير، آغزين آچيب يول گؤزله يير
صاباح بير يارالي ملك
قانات چاليب اوچاجاق ! !
محمد دل آسا
باغ دا
باغ دا دوران قادین، کیشی نین اونا دوغرو گلمه سینی گؤردو.
»تینا منیم گولوم! منیم یاشامیمین ان بؤیوک سئوداسی! سونوندا کیشی بو سؤزلری آغزینا گتیرمیشدی«
»اوه. تام!«
»تینا، منیم گولوم«
»اوه، تام! من ده سنی سئویرم!«
تام- قادینین یانینا یئتیشیب سرعتله اونو قیراغا ایته له دی.
»منیم گولوم! سن منیم گؤزل قیزیل گولومون اوستونده دورموشدون!«
چئویرن علی عباسی